LAMPUGNANI LAURENTIUS

 

 

 

Lampugnani Fr. Laurentius, Congregationis Augustinianae de Lombardia alumnus, Lectoris munus exercuit, et adhuc diaconus inter sacros oratores adscitus, insignem oratorem egit. Pro iuribus suae Congregationis intrepidus stetit, et quamvis per hoc alios ad invidiam concitaverit, a suo zelo minime absterreri potuit. In comitiis Vercellensibus anno 1512 et in capitulo provinciali an. 1517 habito, Vicarius Generalis constitutus fuit, et an. 1527 vivere desiit. Composuit: Corpus philosophicum ex primariis Ordinis nostri scriptoribus collectum. 

 

 

 

Referenze:

Argelati, T. II, col. 766; Calvi, Part. I, p. 197, et Ossinger, p. 491