LANDINI NICOLAUS

 

 

 

Landini Fr. Nicolaus Angelus M., Sacrae Theol. Mag. ortum habuit Florentiae die 16 iulii an. 1695. Alumnus fuit conventus S. Spiritus, evasitque in primis celeberrimus, atque eloquentissimus orator, uti scribit Berti in Breviario hist. de script. Aug. saeculo XVIII. Anno 1746 erat Prior coenobii S. Augustini de Urbe, an. 1748 Ord. Secretarius sub Gen. Gioja, et an. 1750 Assistens Italiae, quo tempore, nempe die 2 iunii 1751 constitutus fuit Commiss. Generalis. Tandem anno 1764, post obitum Silvestri Merani, cum esset iam a die 1 novembris 1751 Procurator gener., a Clemente XIII Sacrarii Pontificii Praefectura insignitus, et Episcopus Porphiriensis inauguratus fuit. Laudabiliter officium exercuit sub eodem Clemente XIII, Clemente XIV et Pio VI. In catalogo Sacristarum dicitur homo piissimus, erga pauperes beneficentissimus, ac firma valetudine donatus. Obiit in Quirinali Palatio die 18 febr. anno 1782.

 

 

 

Referenze:

Lanteri, Eremi Sacrae Aug., Parte I, p. 230, ex Reg. Gen. Vazquez ad anno 1782, p. 108. Scripsit: Orazione al R.mo P. M. Fulgenzio Bellelli Priore Generale di tutto l'Ord. Erem. di S. Agostino e Commissario Apost. in occasione della visita fatta al Convento di S. Giacomo di Bologna il 9 dec. 1727. In Bologna, 1727, Stamp. Saffi, in 8°.