LANTERI IOSEPH

 

 

 

Lanteri Pr. Ioseph e nauticorum familia Lodani vulgo Loano, in Liguria occidentali natus est die 11 aprilis 1820. Adhuc puer orbatus est patre, quapropter frater eius Felix illius natu minimi tutelam, totiusque domus curam vere paternam suscepit. Ni ille fuisset, forsitan a puero initum, monastici instituti votum flagrantissimum, minime unquam explere potuisset. At ipse desideria sua secundavit; ipse in medio Augustinianae familiae inserere, ut ita dicam, voluit; ipse anno 1840 Savonae ad tirocinium eunti comes, et vota profitenti spectator adfuit. Studiis Iosephus operam navavit Genuae et Luceae. Ingenio et memoria gaudebat nec non desiderio ardenti animum suum adornandi; qua de re magnos ex philosophicis et theologicis disciplinis fructus percepit, defendentis. Lectoris et professorii magisteri munus laudabiliter execuutus est ab an. 1847 ad an. 1852, quo e Viterbio rediit Lucam factus Regens. Inde anno 1855 Tolentinum ivit, mense aprilis 1857 lauream magistralem accipiens, et anno 1859 Romam votatus fuit Regens studii et Collegii. In comitiis generalibus anno 1865 electus est Ordinis Secretarius; die 4 iunii 1870 Bibliothecae Angelicae theologus; anno 1873 ipsius Biblithecae Praefectus et anno insequenti Asssistens Generalis. Fuit etiam Cleri Romani examinator; Sacr. Iudicis Congregationis consultor et S. Augustini de Urbe prior. Vitam tandem finivit plenus meritis et dierum an. 1886, sepultusque est in Agro Verano. Pereleganter scripsit ac praelo mandavit sequentia, quarum tit.:

1. Laudatio funebris habita Aesi in Comitiis Provincialibus FF. Augustinensium die XI Aprilis MDCCCLVI. Tolentini ex typis Guidoni.

2. Postrema Saecula Sex Religionis Augustinianae in quibus breviter recensentur Illustriores Viri Augustinienses qui sanctitate et doctrina floruerunt post magnam Ordinis unionem peractam anno MCCLVI, ab Alexandro IV usque ad haec tempora. Vol. I, Tolentini ex Typographia Guidoni, 1858, in 8°, pag. 329. Vol. II, ex eadem Typographia, 1859, in 8°, pag. 464. Vol. III, Romae, Typis Bernardi Morini 1860, in 8°, pp. 462.

3. Oratio Funebris habita in Comitiis Generalibus PP. Eremitarum S. P. Augustini Romae celebratis anno MDCCCLXV, supremo eiusdem ordinis nuper electo Moderatori R.mo P. Magistro Ioanni Belluomini Lucensi SS. Rituum Congregationi Consultori; Editionem curante P. Mag. Augustiniano Vescovo Genuae Parocho atque Liguriae Provinciali. Opusc. in 8°, pag. 18.

4. Eremi Sacrae Augustinianae Pars Prima in qua agitur de omnibus Augustinianis Episcopis Italis deque exteris qui intra Italiam episcopatum gesserunt post magnam Ordinis unionem peractam ab Alexandro IV anno MCCLVI. Accedit Appendix de Cardinalibus August. Italis deque Generalibus non episcopis. Romae, Typis Bernardi Morini, 1874, 1 Vol. in 8°, pag. 356.

5. Eremi Sacrae Augustinianae Pars Altera in qua agitur de Augustinianis Episcopis exteris, etc. Accedit Appendix de Procuratoribus Generalibus eiusdem Ordinis. Romae, Typis Bernardi Morini, 1875, 1 Vol. in 8°, pag. 322.

6. Praecepta moralitatis atque Modestiae Regulae deprompta ex libro P. M. Fr. Bonaventurae Wunder de vitae religiosae statu. Vallisoleti apud Viduam et Filios Ioannis a Cuesta, 1882.

7. Additamenta ad Crusenii Augustinianum Monasticon auctore P. Mag. Iosepho Lanteri eiusdem Ordinis. Vallisoleti ex officina typ. Ludovici N. de Gaviria, 1890, Vol. in 4°, pag. 784.

Separatim habentur etiam: Prolegomena ad Postrema Saecula Sex Religionis Augustinianae. Tolentini, typ. Guidoni, 1858, in 8°.