LANZA FRANCISCUS

 

 

 

Lanza Fr. Franciscus, S. Theol. Mag., primam aspexit lucem in oppido Gargani Nolae die 5 martii 1820, Augustinianum Ordinem amplectens die 14 ianuarii 1839, suamque professionem in Neapolitana provincia die 6 martii 1841 emittens. Studiorum curricula magna cum laude in nostris Italiae gymnasis perfecit, renuntiatusque Lector, Regens, atque Magister diu philosophicas atque theologicas disciplinas nostram docuit iuventutem. Validus etiam extitit concionator, almo theologorum Neapolitano Collegio cooptatus, clericorum examinator, in nostris conventibus prior. Septuagenario maior pie obiit in coenobio S. Mariae de Succursu apud S. Ioan. a Teduccio prope Neapolim. Scripsit atque edidit:

1. Memorie storiche intorno al Servo di Dio P. Fedele d'Amalfi, Sacerdote professo dell'Ord. Erem. di S. Agostino. Napoli, 1891.

2. Vita del B. Angelo da Furci, Sacerdote professo dell'Ord. Erem. di S. Agostino. Roma, Tip. della Pace, 1889, in 12°.

3. Corso di prediche quaresimali, molti panegirici e le tre ore di agonia, quae omnia ab eo mss. relicta fuere. Eius germanus frater, nomine Gregorius, fuit et ipse Augustinianus, in S. Theol. Magister, moribus et doctrina clarus, qui per plures annos Ordims Calendarium confecit.