LANZONI MARCUS

 

 

 

Lanzoni Fr. Marcus, Bononiensis, S. Theologiae Magister, alumnus Congregationis Lombardiae, vixit saec. XVII, et tanta in omni doctrina laude floruit, ut in variis monasteriis nostris in Italia, specialiter in suo conventu Bononiae, Regens studiorum denominatus fuerit; dein tum Firmi in universitate Lectorem Metaphysices summo cum honore egit, quum insuper an. 1601 Parmae Cisterciensium monachos docuit; postea cathedram publicam Theologiae in Universitate Bononiensi, cui ascriptus fuerat a die 19 maii 1590, an. 1609 ascendere debuit, eamque retinuit usque ad diem 21 ianuari 1614 in qua pie obiit. Inter alia monumenta conventui Bononiensi reliquit librum eidem singulariter profuturum, nempe rerum et scripturarum dicti conventus, ita inscriptus: Obblighi della sagrestia e del convento de' PP. di S. Giacomo di Bologna. Questo libro fu fatto dal R. P. M. Marco Lanzoni lettore pubblico l'anno 1605. Nunc asservatur Bononiae in R. Biblioth. Universitatis, cod. 1762 (3877), chart. in 4°, saec. XVII, et in eadem Bibl., cod. 261 (184) miscell.

P. Marcus scripsit insuper: Sermones quadragesimales. Ita fere Ossinger, p. 497 ex Elssio, p. 454 et Torelli, T. IV, p. 702.