L'ARENA BENIAMINUS

 

 

 

L'Arena Fr. Beniaminus, Beneventanus, S. Theol. Mag. an. 1807 ortus, Augustinianum habitum suscepit in Aquilano S. Augustini coenobio. Magistro Ios. Palermo, Aquilani nostri studii regente, philosophica ac theologica studia cucurrit, et an. 1831 ad S. Presbyteratus ordinem ascendit. Ingenio solers, historia peritus, non nomine tantum sed re philosophus plus quam theologus, cum assiduitate legalibus studiis incubuit. Anno 1835 Lector renunciatus, Romae, Aquilae, Panormi atque Neapoli varias disciplinas docuit, et Romam tandem accersitus, an. 1840, coram octo examinatoribus, superato, magna cum laude; rigoroso periculo, Collegialis ac Regens proclamatus est. Missus inde Pulcinum et sequenti anno Panormum, an. 1843 Collegium Neapolitanum ad S. Augustinum rexit.

Interim in patriam reversus divinum verbum saepe saepius praedicavit, ac die 19 maii 1847 laurea magistrali fuit decoratus. Vixit postea tum Beneventi, tum Neapoli, Aquilae et Materae, multa fidelibus praebens specimina virtutum. An. 1875 amplius inter vivos non numerabatur. Scripsit:

1. De Trinitatis misterio. Dogmatico-Scholasticae theses, quas publice Perusiae in templo SS. Philippi et Iacobi propugnandas assumpsit an. 1832, cathedram tenente Ioseph M. Castellani, Sacrae Theol. Mag. et Studiorum Regente. Perusiae, Vincentius Martelli, 1832.

2. Compendio cronistorico della Religione rivelata. Napoli, Stabil. Tipogr. del Tasso, 1862-63, vol. 2, pp. 1312, in 8°. Extat in Bibl. Angelica, O. 11. 86.

3. Oratio funebris Ill.mi ac R.mi D.ni P. Mag. Iosephi Palermo Episcopi Porphiriensis ac Sacrarii Apostolici Praefecti, nostri eiusdem Ordinis. Typis vulgata.

4. Praeparatio theologica, quam pro familiae Eremitanae Alumnis exarabat Fr. Beniaminus L'Arena O. S. P. Augustini Magister. Ms. in fol., pp. 141; quod opus asservatur in Archivo Ordinis.

 

 

 

Referenze:

Ordinis Regesta et Lanteri, Postr. Saec. Sex R. A., T. III, p. 339