LAVOSI CHERUBINUS

 

 

 

Lavosi Fr. Cherubinus de Cassia (in actis consistorialibus habetur per errorem de Nursia) in Sacra Theologia Doctor, erat anno 1537 Prioris Generalis Secretarius. Vir doctrina et probitate clarus an. 1542 electus fuit Umbriae Provincialis, an. 1544 Regens Perusinus, an. 1547 socius Apostolici Sacrarii praefecti, sive subsacrista, et an. 1565 theologus Cardinalis Vercellensis Guidonis Ferreri, cum quo antea Concilio Tridentino interfuerat. Hujus favore an. 1566, die 21 augusti a S. Pio V, per obitum Angeli Massarelli, Thelesiae episcopales infulas accepit. Pastorale pedum undecim annis summa industria gestavit, illudque una cum vita Cassiae deposuit die 22 aprilis an. 1577 aetatis suae 80, ibique apud nostrates illius exuviae tumulatae fuerunt. Illum cum laude memorant Ughelli, T. VIII, col. 371, n. 20; Pamphilus, f. 123; Herrera, T. I, p. 147; Elssius, p. 138 et Ossinger, p. 499. Haec extant ab eo:

1. Oratio latina quam an. 1566, die 21 augusti in Concilio Tridentino protulit.

2. Orationes nonnullae notatu sane dignae: ex diverso genere inscribuntur a me fratre Cherubino Cassiano Ordinis Heremitarum S. Augustini. Cod. in 8°, ff. 336 in perg. compactus Bibl. Communalis Casciae. Ex hiis nonnullae sunt fr. Rondonii Bononiensis et Nicolai Simonetti de Cassia. 

 

 

 

Referenze:

A. Morini, I mss. della Bibl. Com.le di Cascia, ibidem, 1898, p. 5, n. 15