LOMBARDUS THEOPHILUS

 

 

 

Lombardus Fr. Theophilus ex oppido Trivilio, quod non longe a Mediolano distat, oriundus, vir, ut fol. 125 sub an. 1568 ait Pamphilus, in scripturis sanctis non mediocriter eruditus, et in dicendo ad populum valde gratus, quaedam opuscula in lucem dedit. Fuit in Congregatione Lombardiae an. 1557 Prior Cellae Ianuae et Definitor; an. 1559 Prior S. Augustini Ianuae et Definitor; an. 1562 Prior Lucae et Definitor; an. 1565 Prior Bergomi et Visitator; an. 1567 Prior Mantuae et Visitator, et an. 1569 eiusdem Congregationis Vicarius Generalis. "Hoc in anno cum in Cremoriensi Cathedrali Ecclesia (ut ait Arisius in Cremona Literata, Parmae, 1702, T. II, p. 319) sermones quadragesimales haberet, tantus fuit illius eloquentiae ardor, ut unica tantum vice ad sublevandum mendicis ac praecipuae miserrimis aegrotantibus, ex auditorio suo, ad veram pietatem commoto, aureos bis mille riceperit. Hac de causa cum illamet die, vere albo signanda lapillo, alii quindecim coronatorum nummi argentei, Theophilo suadente per Episcopum, ac urbis gubernatorem collecti civium elemosynis fuissent, initium habuit domus ospitalis, quae, desperato morbo laborantes ac mendicos, suscepit in vicina S. Apollinaris sub tituli S. Alexi, cui additae familiae Dulciae proventibus, aliisve redditibus, primum inter pias aedes, post maius patriae Xenodochium locum occupat, tercentum et ultra utriusque sexus infirmis et pauperibus quotidiae alimenta et opes ferendo. Efficies tanti operis institutoris iisdem in aedibus, nobilium regentis consilio, merito effulget".

Anno 1572 et 1574 Prior Mediolani et Definitor electus fuit et an. 1575 Praeses Capituli in Conventu S. Crucis Casalis celebrati, in quo coenobio eodem anno vitae corsum implevit. Crediderim circa eum annum e vita decessisse Theophilum, quia nunquam altra Acta Synodalia Congregationis de illo meminere. Haec fere omnia ex Herrera T. II, p. 460. Hic Theophilus mihi videtur eumdem esse ac Theophilum de Trevi, vel de Vairano de familia Gallinone de quo idem Herrera loquitur eadem pagina, columna prima, enarrans quae, sua eloquentia, obtinuit Bononiae, praedicans in templo S. Petronii an. 1563, in omnibus similia iis quae obtinuerat praedicando in Cathedrali Cremonense. Sed in affirmare non audeo, cum ex aliis notis biographicis, ombo omnino diversi et disticti appareant. Composuit noster Theophilus Lombardus:

1. Sermones super Evangelia totius Quadragesimae. Inc.: "Cum fides Catholica ...".

2. Sermones super Evangelia a prima Dominica Adventus usque ad Epiphaniam. Inc.: "Erant filii Israel in deserto".

 

 

 

Referenze:

Ossinger, p. 38, Calvi, Delle Mem. Ist. della Congr. di Lombardia, p. 322; Lanteri, Postr. saec. sex R. A., T. II, p. 450 et in Addit. ad Crusenii Monasticon, p. 743