LUPIDI ALOYSIUS

 

 

 

Lupidi Fr. Aloysius, die 4 Aprilis 1830 natus Tolentini, bonam indolem sortitus, incunabula vitae bonis moribus ac pietate honestavit. Decimoseptimo aetatis anno Ordini Eremitano S. P. Augustini in conventu Tolentinate nomen dedit, ibique, post novitiatum, an. 1848 mense Aprili solemnia vota nuncupavit. Recineti, in civitate Firmana atque Romae litteris et scientiis naviter operam dedit, eximiasque Laudes a suis magistris promeruit. Anno 1855 gradu Lectoris obtento, suo muneri optime satisfacere procuravit, non vulgarem, qua pollebat, intelligentiam quotidie perficiens, atque in juvenum vertens suam culturam. Romam inde accitus, mense martio 1859 pro Collegio et mense Augusto eiusdem anni pro Regentia obtinenda periculum fecit. Tum Gandavum missus est, unde paulo post revocatus, Regentis munere in Coenobio S. Augustini de Urbe scienter ommino et assidue functus est. Die 4 maii 1864 doctorali laurea insignitur et ad S. Mariae de Populo uti Vicarius Prior mittitur. Anno 1873 Secretarius Ordinis, ac inde an. 1877 Assistens Generalis renuntiatus est, qui gradus ipsi iterum confertur in Comitiis generalibus, Romae celebratis anno 1889. Academiae theologicae Romanae socius fuit, Examinator Romani Cleri, Sacrae Rituum Congregationis anno videlicet 1886, et Episcoporum ac Regularium Consultor, et ubique theologicae sapientiae ac religiosae probitatis jubar effudit. Aetatem annorum 72 agens, post longam aegritudinem diu et patientissime toleratam, in coenobio S. Augustini de Urbe, cuius Prior, extiterat, die 15 decembris 1902 quievit in Domino. Vir fuit acer ingenio, studiis assiduus, pietate praestans, intiger vitae. Scripsit, typisque mandavit quae sequuntur:

1. Theses quas vindicandas suscepit Firmi in templo S. Augustini anno 1855, cathedram tenente R. P. Thoma Martinelli Studiorum Reg.

2. Oratio inauguralis pro Generalibus Patrum Augustinensium Comitiis anno Domini 1865 Romae habitis.

3. Sulle sette effusioni del preziosissimo Sangue del Divin Redentore. Brevi Considerazioni, estratti dalla Palestra del Clero. Roma, Tipografia di Roma, 1879.

4. Spiegazioni degli Evangeli editae in epherneride 'La Palestra del Clero'.

5. La Vergine Madre del Vaticano Concilio Patrona. Discorsi e Panegirico pel triduo e festa della Madonna del Divin Parto. Roma Tip. Romana, 1869. Opusculum in 8°, pp. 69 et ibidem an. 1870.

6. La Chiesa di Gesù Cristo propagata per virtù dello Spirito Santo. Ragionamenti sugli Atti degli Apostoli recitati nella Ven. Chiesa di S. Agostino in Roma. Roma, Tip. Editrice Romana, 1885, in 4°, pp. 313.

7. Compendio storico della vita ed opere del dottore della Chiesa S. Agostino. Roma, Tip. della Buona Stampa, 1887, in 8°, pp. 119.

8. Il Culto di N. S. Gesù Cristo e della Divina Madre secondo le feste della chiesa. Trattato istruttivo. Roma, Cav. Antonio Marini, Corso Vittorio Emanuele 337, 1897, 1 vol., in 4°, pp. 156; itemque: in Roma, Tip. Sociale, 1893.

9. Il primo Papa S. Pietro. Roma, Tip. della Pace di Filippo Cuggiani, 1898, in 8°, pp. 134.

10. Compendio della vita di S. Rita da Cascia. Roma 1900, Tip. Salvatoriana.

11. Breviarum Historicum seu praeeletiones per summa capita de Historia universali Sacra potissimum et Ecclesiastica. Vol. Ms. in 8°, asservatum in Archivo Ordinis.

 

 

 

Referenze:

Litteras circulares R.mi P. Angeli Ferrata die 16 decembris 1902 typis datas, et Perini, Studio Bio-Bibliografico sul Card. Agostino Ciasca, in appendice, p. 164