LUPIDI IOANNES

 

 

 

Lupidi Fr. Ioannes, S. Theol. Mag., Georgeoduni Firmanae Dioec., die 10 aug. 1867 ortus, per vota emissa die 19 jan. an. 1883 fit Augustinianus, et die 28 martii 1891, studiorum curriculis laudabiliter emensis, fit sacerdos: inde Lector ac studiorum Regens evasit, quibus muneribus obeundis magnum sedulitatis, intelligentiae, caritatis atque probitatis specimen praebuit. Constanter insuper religiosam observantiam, studiorum splendorem, erga Deiparam devotionem, erga proximum humanitatem, in agendis consilio et opere integritatem ostendit. Conventui S. Augustini de Aquipendio et de Urbe magna cum existimatione praefuit, studiis oratoriis, theologicis ac praesertim poeticis, in quibus excellens evasit, maxime incubuit. Ut Consultor Congregationis Sacrorum Rituum magni habitus, nunc inter pietatis officia, in Dei coelitumque sanctorum cultum provehendum, in salutem aeternam animarum procurandam, assiduus, in coenobio ad S. P. Augustini de Urbe, humiliter vitam agit, a Deo laborum suorum atque virtutum iustam expectans retributionem. Scripsit:

1. La Massoneria al cospetto della Vergine addolorata di Campocavallo. Canto. Pesaro, Nobili, 1894.

2. Maria e il Parnaso Italiano, Acquapendente, Lemurio, 1906, in 8°.

3. Del Monachismo. Estratto dal periodico La Madre del Buon Consiglio nelle famiglie cristiane, qua in ephemeride alia praesertim poetica, edidit, Roma Tip. Editrice Poligrafa, 1910.

4. L'Assunzione della Beata Vergine in anima e corpo. Roma, Tip. Pont. nell'Istit. Pio IX, 1909, in 8°.

5. L'Eroina di Cascia, Roma, offic. Tipogr. Romana 'Buona Stampa' 1927, pp. 211, in 8°. Poema lyricum et epicum, italico idiomate, venustis formis exaratum. Alia atque alia parva poemata etiam edidit in altera nostra ephemeride cuius titulus: Diffondi il tuo Consiglio, o Madre, Romae edita.