MALABRANCA UGOLINUS

 

 

 

Malabranca Fr. Ugolinus de Urbeveteri, perillustris Provinciae Romanae alumnus, Parisiis nomine acutissimi doctoris donatus, quo primam cathedram tenens, maximo in pretio habitus est, et cum litteris, moribusque ornatissimus esset, Ecclesiam Dei tum docendo, legendo et scribendo mirum in modum adiuvit. Per tres annos studiis vacavit Parisiis ab anno scilicet 1335 ad an. 1338, et in Italiam reversus Urbeveteri in capitulo provinciali inibi die 10 iulii eiusdem anni celebrato Provincialis Definitor electus evasit. Ubinam Lectoris munus exercuerit non constat, forsan Romae, quo expleto, an. 1343 in cap. generali Mediolani habito designatus fuit ad legendas Parisiis Sententias, inibi reversus circa an. 1348, ac paulo post Baccalaureus evadens. Noster Remigius de Florentia, Episcopus Comaclensis, an. 1352 supplicavit ut idem Ugulinus "qui ordinarie Parisiis legit Sententias et est per suum ordinem Bacc. ad Magisterium presentatus", a Cancellario Parisiensi ad Magisterium promovetur (cfr. Denifle et Chatelein, Chart. Univ. Paris, T. II, p. 536); unde probabiliter eodem anno ad hunc gradum promotus fuit. Adivit postea Avinionem et an. 1357 erat Perusiae, ubi videtur mansisse usque ad an. 1360, diversis munenibus ibidem functus. Fuit dein Vicarius et Visitator Provinciae Senesis constitutus, atque an. 1364 adnumeratus (ita Lanteri in Eremi Sacrae Augustinianae, Par. I, p. 32) inter novem perinsignis Bononiensis Theologorum Collegii fundatores, quorum unus etiam fuit perinsignis noster Card. Bonaventura Baduarius. Eodem anno a Canonicis Urbevetanis electus fuit patriae episcopus, quam tamen electionem Urbanus V confirmare renuit, eo quia eamdem sedem alteri designaverat. Verum paulo post, anno videlicet 1368 Avenione in festo Pentecosten renuntiatur totius Ordinis Prior Generalis, et tribus post annis, die 10 febr. 1371 hoc officium dimisit, per eius promotionem ad Patriarcatum Constantinopolitanum, quo etiam habuit in commendam episcopatum Ariminensem (cfr. Denifle et Chatelain, opus cit., T. II, p. 536 in nota). Non semper tamen in sua dioecesi resedit, quippe quod gravibus negotiis expediendis saepe saepius adhibebatur. Quapropter an. 1374 a Gregorio XI Lutetiam missus, cum inde Romam reverteretur, Aculae, non procul a patria, mortem invenit. Corpus eius Urbevetenem translatum apud nostrates sepultum fuit. Eius opera sunt:

1. Super IV libros Sententiarum commentaria, quae mss. asservantur Romae in Bibl. Angelica, cod. 4 (A. 1. 8) membr. in fol., binis coll., ff. 200, saec. XIV; Inc. prologus (f. 1) "Exemplo veri summique magistri". Explicit (f. 200): "lectura super quatuor libros Sententiarum compilata Parisius per doctorem eximium dominum Ugolinum de Urbeveteri sacrae theologiae professorem et constantinopolitane (l. Hierosolymitanae) ecclesiae patriarcam dignissimum Ordinis fratrum heremitarum sancti Augustini". Fuit hic codex Magistri Fulgentii Baldani, ut in fronte notur. (Cfr. Narducci, Catal. cit., p. 2). Parisiis in Bibl. Nation. 14559; Burdigalae (Bordeaux) in Bibl. publ. cod. 164, saec. XIV, ff. 221, binis coll., qui aliquantulum differt a Parisiensi, et in quo, sicut in cod. Angelico, f. 216 legitur "Lectura fuit notata anno Domini 1352, set reconciliatio fuit facta anno Domini 1365". Item extabant etiam Cremonae in conventu S. Augustini, uti adnotat Possevinus in Appendice, T. III, App. Sacri, et Arisius in Cremona lit., Parmae, 1702, T. II, p. 377; Mediolani in nostra ad S. Marcum; Bononiae ad S. Iacobum; Neapoli ad S. Ioannem de Carbonaria, et etiam Venetiis in S. Francisci de Vinea, et in primo libro tantum in Bibl. SS. Ioan. et Pauli ut Tomasini, p. 29 et 106 scripsit. A. B. Alphonso de Orozco et Coriolano vocatur hoc opus, altum, solemne et in magno habendum praetio.

2. Ugulini Urbevetani Declaratio musicae disciplinae. Item Boethii de Musica Taurini in Bibl. Nation. Cod. 1061 (G. IV. 31) chart. saec. XV (1470) cc. 97. .

3. Commentaria in Boetium de philosophica consolatione. Bononiae et Parisiis in Bibliothecis Ordinis, ita Gandolphus, pagina 343-345.

4. Quaestiones super octo libros Physicorum partes 2. Prima pars, scilicet in quatuor primos, est in nostra S. Marci Mediolani, ita pariter Gandolphus, p. 345.

5. Quaestiones super Praedicamenta et Perhiermias lib. 2. Idem ibidem.

6. Quodlibeta omnium iudicio dignissima. Ita Arthaman Schedel in Chronico aetatum mundi, f. 218.

7. De differentia idiomatum. Idem ibidem.

8. De Deo uno et trino, lib. 1.

9. Sermones ad clerum et populum R. F. Hugolini Augustiniani. Reperiuntur mss. Parisiis in Biblioth. vulgo de L'arsenal, cod. 57 (68. T. L.) B. chart. saec. XV. Olim fuerat conventus S. Augustini Parisiensis, et explicit: "Iste liber in quo multa continentur, est de bonis egregii nostri magistri Roberti de Porta, quondam Provincialis provincie Francie. Orate Dominum pro ipsius anima. Obiit circa annum Domini MCCCCLXIII, mense decembris in octava conceptionis genetricis Dei Mariae".

10. Sermones de tempore, liber 1. Venetiis in Bibl. S. Marci, Cod. 9, class. VI, inter. ff. 28-38.

11. Sermones de Sanctis, lib. 1. Asservantur mss. Venetiis in Bibl. S. Marci, Cod. 9, Classis VI, membr. saec. XV., inter ff. 60-66. Hoc in codice Sermonum adsunt quamplurimi alii sermones anonymi. Sunt ne nostratis Hugulini?

12. De principiis Ordinis. De sacris disciplinis, et alia.

 

 

Referenze:

Gratianus, Anastasis Aug., p. 98; Elssius, p. 305; Herrera, T. II, p. 500; Trithemius, Script. Eccl. (1531), fol. 94; Guillelmus Eynsengrenius in Catalogo testium veritatis, p. 125 illum vocans: S. Hugolinum; Torelli, Secoli Agost., T. V, pp. 101-3 et T. VI, pp. 147-149; Ughelli, Italia Sacra, T. II, col. 432, n. 43; Fabricius-Mansi, Bibl. Lat. m. et inf. aetatis (Florentiae, 1858), T. V, p. 9; Lanteri, Postr. saec. sex R. A., T. I, p. 355; Hurter, Nom. Lit., T. II (1906) col. 623; Analecta August., Vol. IV, p. 472 et alii quamplunimi