MANCHI AMBROSIUS

 

 

 

Manchi Fr. Ambrosius, Augustinus, Sacrae Theol. Mag., Augustinianae Congreg. S. Ioannis ad Carbonariam clarus alumnus, vixit saec. XVIII. Neapoli in conventu S. Ioannis praedicti ab an. 1708 ad an. 1717, sua studia, quae dicuntur passiva, magna cum laude perfecit, ac inibi primum renuntiatus fuit Lector, deinde studiorum Regens ac tandem S. Theol. Magister. Dicitur a Lanteri, Postr. Saec. Sex R. A., T. III, p. 332, in S. P. Augustini doctrina admodum versatus, et an. 1767 facultatem obtinuit librum edendi: De Superno adiutorio Innocenti creaturae necessario, Neapoli, 1770, 1 vol. in 4°.