de MANTUA ALBERTINUS

 

 

 

de Mantua Fr. Albertinus, doctissimus theologus, et sacrarum litterarum interpres, celebratur a Iac. Philippo Bergomensi dum an. 1317 de origine urbis Mantuanae sermonem intexit. At non explicat quo tempore vixerit. Illum claruisse an. 1400 habet Alphonsus Ciaconius, Bibliotheca, Parisiis, 1731, p. 58, et noster Lanteri, Postr. Saec. Sex R. A, T. I, p. 364; itemque alii quammulti idem affirmant; ast nobis non constat quando reapse vixerit. Albertinus mss. reliquit:

1. Tractatum de Corpore Christi valde eruditum.

2. Quaestiones de coelo et mundo.

3. Partem tertiam libri, qui dicitur Egredimini.

4. Quadragesimale incompletum. Quae omnia mss. extitisse in nostra Bibliotheca ad S. Augustinum de Cremona affirmant Possevinus in Apparatus Sacri, T. III in Appendice; Arisi in Cremona Lit., Perusiae 1702, T. II, p. 377, et Ossinger, p. 541.

 

 

 

Referenze:

Possevinus in Apparatus Sacri, T. III in Appendice; Arisi in Cremona Lit., Perusiae 1702, T. II, p. 377, et Ossinger, p. 541.