MARACHUS BALTHASSAR

 

 

 

Marachus Fr. Balthassar, Neapolitanus, insignis S. Theol. Mag., cathedraticus Tranensis, et apud Ordinem an. 1542 Apuliae Vicarius Generalis, an. 1544 die 25 iunii creatur Episcopus Lesinae ad radices Montis Gargani. Appellatur etiam Episcopus Nunciatae de Neapoli, quia hujus nominis Neapolitanum monasterium illam civitatem possidebat ex donatione Reginae Margaritae (1411) Ladislai regis matris, ut ait Moroni, vol. 38, p. 112. Supremum diem obiit Balthassar noster an. 1550. Nominatur ab Ugh. T. VIII, col. 313, n. 22; ab Herrera, T. I, p. 108, et a Nic. Toppio, in Bibl. Neap., p. 36, iuxta quem quoddam opus theologicum edidit.

 

 

 

Referenze:

Lanteri, Eremi Sacrae Aug., Part. I, p. 103.