MARCOLINI DANIEL

 

 

 

Marcolini Fr. Daniel, S. Theol. Mag., Patavinus, qui ob religiosam adfiliatonem Venetus nuncupatur, quique postea Genestanensis coenobii adfilationem obtinuit. Anno 1760 erat Arimino Regens, die 6 maii 1762 nominatus fuit generalis Postulator pro causis Sanctorum ordinis, et die 12 febr. 1776 praesentatus E.mo D.no Marco Antonio Columna, Pii Pp. VI in Urbe Vicario pro obtinenda D. P. Augustini parochia, in qua S. Scripturae interpres etiam extitit. An. 1786 interfuit Capitulo gen. Romano ut Definitor Provinciae Coloniae, et an. 1792, cum jam esset Assistens Generalis Italiae, altero cap. gen. Bononiensi, in quo renunciatus fuit Procurator Generalis Ordinis. In viridi aetate cum esset de familia Genestani constitutus, Deiparae de Bono Consilio cultum maxime promovit. Extitit et sacrarum caeremoniarum magister et sacrorum canonum peritissimus. Tandem ad meliorem vitam transivit Romae die 5 aprilis an. 1794, aetatis suae 77. Ipsius ingenii monumenta extant:

1. Componimenti poetici italiani e latini di fra Daniele Marcolini, dell'Ord. Erem. di S. Agost. nel corrente anno 1790 dal medesimo riveduti, e di sua mano in pulito copiati. Cod. 1409, ms. Bibl. Angelicae Urbis inter ff. 3-51, autographus.

2. Duo hynmi qui habentur in officio Passionis Domini, nempe: Moerentes oculi spargite lacrymas, atque Aspice, infami Deus ipse ligno; item hymnus in laudem B. Mariae de Bono Consilio, qui incipit: Plaude festivo pia gens honore, qui habentur in Breviario Ordinis, sicut et lectiones secundi Nocturni nonnullorum Beatorum Ord. N. Insuper in kalendariis Ordinis N. ediditis ab an. 1783 ad an. 1787 habentur eius versiones orationis Ante, oculos; hymni Te Deum; sequentiae Missae S. P. Aug. De profundis tenebrarum; hymni S. P. A., Magne Pater; Psalmi, Miserere mei Deus, et aliae diverso metro concinnatae.

3. Theses de pluritate martyrum contra Henricum Dowellium, Impr.

4. Autobiographia, quae explicit: "Feci pure più di dugento e trenta note nell'Alfabeto Agostiniano dell'Herrera di mio carattere, che spero non saranno inutili; è il libro segnato T. 15. 8" (In Bibl. Angelica).

5. Sermones sacri latini, habiti in Sacello pontificio, ab an. 1783 ad an. 1792. In eodem cod. 1409, ff. 52-97.

7. Panegirico caratteristico in lode della SS.ma Imagine di Maria Vergine, detta volgarmente del Buon consiglio..., recitato in Genazzano il dì 4 di Giugno dell'an. 1780, in circostanza del capit. Prov. ivi celebrato, ai cui fu Presidente il P. R.mo Generale Franc.o Saverio Vazquez. (Cum adnotat. historicis). In eodem cod. 1409, ff. 103-117. In cod. 329 eiusdem Angelicae bibl. habetur eadem oratio panegyrica, sed non parum differt a superiore enunciata. Marcolini scripsit et alia, sed non magni momenti. 

 

 

 

Referenze:

Lanteri, in Postr. Saec., T. III, p. 341 et in Eremi Sacrae, Part. II, p. 236, et Narducci, Catal., cit., pp. 171 et 594