MARENCO NICOLAUS

 

 

 

Marenco Fr. Nicolaus a S. Ioan. Baptista, Genuensis, Eremita excalceatus S. P. Augustini, theologus et philosophus, ut ait Oldoinus, Athaen. Ligust., p. 427, hac nostra aetate illustris, confundi non debet cum altero Fr. Nicolao a S. Ioan. Baptista de familia Musacchio, Panormitano, de quo postea, qui vixit fere eodem tempore, quinque edidit eiusdem argumenti opera. Genuensis enim natus est an. 1599, et in sua Congr. non tantum Definitorem et Provincialem suae provinciae, verum etiam an. 1656, Definitorem generalem egit. Fuit insuper vir eximiae facundiae, ita ut instanter praedicando ingentem animarum fructum retulerit. Obiit in patria an. 1662. Typis edidit:

1. De logica, Volumen.

2. Compendium totius Philosophiae, et cum publice Sacram Theologiam profiteretur in coenobio Viennensi, opus excussit anno salutis 1646 sub tit.:

3. Deus descriptus, quod Ferdinando, huius nominis tertio Caesari nuncupavit.