MELIDONIUS CORANUS

 

 

 

Melidonius Coranus, S. Theol. Mag. de familia Iardinelli, non autem Melidoni ut nonnulli nostri historici, nomen pro cognomine accipiendo, affirmarunt. Musarum extitit amator, multaque in Religione consecutus est munia: fuit enim diversorum conventuum Prior, Discretus Provinciae Apuleae in capitulo gen. Romano an. 1592 celebrato, eiusdem Provinciae praefectus, sicut et Provinciae Romanae, et quasi decrepitus anno circiter 1622 obdormivit in Domino. Egregiis poematibus exornavit, ut vidimus, nostri Donati Marrae Enarrationes in omnes hymnos, qui cantantur in Ecclesia secundum morem Romanae Ecclesiae. 

 

 

 

Referenze:

Pamphilus, f. 132; Gratianus, p. 136; Elssius, p. 38; Ossinger, p. 573