MERANI SYLVESTER

 

 

 

Merani Fr. Sylvester, Levanto in Liguria ortus, Eremitanae Familiae nomine dato, in ea evasit S. Theol. Mag. ac Umbriae Provincialis. An. 1719 erat Regens Parmae, anno insequenti Veronae, an. 1722 Perusiae, et an. 1725 Patavii. De illo in Regesto Dd. 206, undecimo Gen. Vasquez, p. 92 haec leguntur: "De obitu Ill.mi ac R.mi Dd. Fr. Silvestri Merani, qui post principaliores Italiae cathedras sua doctrina illustratas, post insignem Umbriae provinciam singulari prudentia gubernatam, post praeclarum Pontificii Sacrarii Praefecturam adeptam (an. 1722 a Benedicto XIV Episcopus Porphyriensis consecratus) eamque per viginti duos ferme annos religiosissime exercitam, post traductam omnem suam integerrime aetatem, ac toleratas patienter suae aegritudinis molestias, tandem die 22 ian. 1764 cunctis Ecclesiae Sacramentis munitus, plenus meritis, 76 anno aetatis suae nondum completo, e vita excessit ex nimio catharro suffocatus. Itaque Ordo noster virum amisit sapientia, consilio, prudentia morumque probitate vere eximium". Mss. reliquit 3 volumina locubrationum theologicarum, quae sunt in Bibl. Angelica hoc titulo: Vindiciae Augustinianae adversus Ioannis Phereponi (idest Ioannis Clerici) animadversiones. Extant in codd. 638, 639, et 640 in fol. auctographae, 1. ff. 107; 2. ff. 143 et 3. ff. 139. Auctor sub die 30 aprilis 1728 a Rev.mo P. Fulgentio Bellelli facultatem accepit has vindicias typ. imprimendi, sed eas reperies iam typis editas in Appendice Operum S. P. Augustini, Antuerpiae an. 1703, quae est T. XII editionis Parisiensis. 

 

 

 

Referenze:

Lanteri, Eremi Sacrae Aug., Part. I, p. 229; Moroni, Dizionario cit., Vol. LX, pagina 190; Lopez, Additamenta cit., Vol. III, p. 12, et Narducci, Catal. cit., p. 281