MERICI ANTONIUS

 

 

 

Merici Fr. Antonius, Derthonensis, vir in omnibus probus, an. 1574, cum iam esset S. Theol. Magister, sacram quadragesimam praedicavit in civitate Novariae et die 30 octobris eiusdem anni mandatum accepit ut Mediolanum se conferret futura quadragesima conciones habiturus in ecclesia S. Stephani in quorumdam nobilium gratiam. Anno insequenti iterum erat Novariae et Generalis Taddaeus Perusinus Episcopo et Praesidentibus illius Urbis respondit se approbare et confirmare quod concesserat Mag. Antonio Derthonensi modo permitterent ipsum gen. capitulum adire. An. 1578 praefuit coenobio S. P. Augustini Papiae ac inibi S. Doctoris Arcam instauravit atque descripsit, coenobii inclaustrum edificare procuravit, picturisque adornari, nec non conventus rationes, privilegia ac iura contra Canonicos Regulares strenue defendit (Cfr. Maiocchi-Casacca, Codex Diplom. cit. Vol. IV, pp. 46, 65-80). Talem interim religiosam vitam inibi agebat ut illius civitatis Rectores de eo ad nostrum Generalem non dubitaverint scribere: "con la sua vita esemplare, e sue santissime e devotissime predicationi ha fatto gran frutto nella nostra città, e confermato, anzi accresciuto l'affetione e divotione verso detto monastero e tutta la Religione Eremitana (Ibid. p. 91). An. 1582 interfuit cap. generali, et an. 1593 iterum Papiae Prior. Fuit praeterea Comes Palatinus creatus die 9 septembris 1566 dum Derthonae suo conventui praeesset, theologus Archiep. Tarentinensis et observantia et sanctimonia clarus. Edidit:

1. Sommario dei privilegi, grazie et indulgenze, concesse alli Rev. frati, Suore Mantellate et Cinturati dell'Ordine di S. Agostino per molti Sommi Pontefici. In Pavia, Girol. Bartoli, 1579.

2. An. 1583 quaedam alia edidit, ut ait Herrera, T. I, p. 63, sed nescio quid.