MICCONI ANTERUS

 

 

 

Micconi Fr. Anterus a S. Bonaventura, regenerationis fonte Io. Baptista vocatus, Segeste Figuliorum die 8 septembris 1620 ortum habuit. Genuae in nostrorum Discalceatorum coenobio S. Nicolai an. 1634 solemnibus se votis obstrigens, totum se dedit piae praedicationi et studio; quamobrem et egregius verbi Dei praeco et S. Theolog. Lector merito evasit. Ita fere in omni scientiarum genere, ac praesertim in sacris litteris instructus, ad maiores religiosorum ascendit honores. Fuit igitur novitiorum magister, plurimorum suae Congregationis conventuum prior, eiusdem Congregationis Discalceatorum definitor Generalis, ac tandem Generalis Commissarius. Obiit die 7 iulii 1686. (Cfr. Tani, p. 67; Ossinger, p. 588, et Lanteri, Postr. Saec. Sex, T. III, 436, nec non Oldoinus in Atheneo Ligustico (1680) p. 40; Giustiniani, p. 84, et Hurter, Nomenclator Lit., T. IV, col. 144). Typis tradidit:

1. Li Lazaretti della città e riviere di Genova del 1567, ne' quali oltre i successi particolari del contagio si narrano l'opere virtuose di quelli che sacrificarono se stessi alla salute del popolo, e si vedono le regole del bel governare un popolo flagellato dalla peste. Genova, Calenzani e Meschia, 1658, in 4°. Item Genova, Tip. Franchelli, 1744, in 4°.

2. Svegliatoio de' sfaccendati e stimolo d'affaccendati per ben impiegare il tempo, con pratiche meditazioni, sentenze de' Santi Padri e similitudini. In Genova, Typ. Franchelli, 1679, in 8°.

3. Ponderationes in Psalmos iuxta multiplicem divinarum scripturarum sensum. Lugduni Laur. Arnaud et Petr. Borde, 1673, 3 vol. in fol., et Genuae, 1681, in fol.

4. Auri gemmarumque Mystica fodina sive charitatis congregatio a Iesu Christo fundata, atque saluberrimis regulis munita. Opus omnigena eruditione. Genuae, Typ. Franchelli, 1677, in fol.

5. Apostolorum Acta iuxta multiplices Divinarum Scripturarum sensus, ipsorumque Patrum interpretatione elucidata. Genuae, Typ. Franchelli, 1681, et ibidem 1684 semper in fol.

 

 

 

Referenze:

Bocca, Catal. IX, n. 66). 6. Discorsi quaresimali, Genova, Typ. Pelizza, 1683, in 8°. 7. Vita B. Clarae de Montefalco in suo opere Ponderationes in Psalmos, Lugduni, apud Arnaud et Borde, 1673, p. 261 et seq.