MINIATENSIS AUGUSTINUS

 

 

 

Miniatensis Fr. Augustinus, Miniatensis dictus quia patria de Sancto Miniato in Tuscia, iuxta Ossinger, p. 591, fuit alumnus Provinciae Marchiae Tarvisinae, filius coenobii Patavini, et vixit saec. XVI. An. 1625 erat Eugubii studiorum Regens, an. 1637 in coenobio S. Augustini Ianuensis et die 20 augusti eiusdem anni renuntiatus fuit in Sacra Theol. Mag. (Cfr. Analecta Aug., T. XI, pp. 70, 73). Vir in sacra pagina, ait Ossinger, et disciplinis theologicis exercitatus, profundam suam doctrinam manifestavit per opus in lingua Italica exaratum et intitulatum: Lettioni sopra l'apocalipsi, 1614, in 4°, Iuxta Tomasini in suis Bibliothecis Patavinis Mss., p. 76, col. 1, hoc opus ms. asservabatur in nostra Patavina.

 

 

 

Referenze:

Analecta Aug., T. XI, pp. 70, 73