MISTRETTA IOSEPH

 

 

 

Mistretta Fr. Ioseph, S. Theol. Mag., Semellii in Sicilia ortus, ac in regenerationis fonte Antoninus vocatus, primam lucem aspexit an. 1757. Vir fuit optimis moribus imbutus, praeclaro ingenio ornatus, humanioribus litteris, philosophicis atque iuridicis disciplinis egregie excultus, orator atque insignis theologus in Ordine inde evasit. Nostrates alumnos primum Neapoli docuit, ac deinde Semelli, ubi etiam fuit publicus philosophiae atque mathesis professor, in qua ita erat versatus ut in periculo peracto in Panormitana Universitate ab examinatoribus hoc honorificentissimum promeruit praeconium: "Se Euclide fosse vivo, non sarebbe nelle scienze matematiche superiore a Mistretta".

Relatum fuit hoc testimonium in acta Commissionis studiorum Panormi. Post omnium ferme in provincia munerum gradus obtentos, die 15 sept. 1817 electus evasit Assistents Italiae, die 8 Aprilis 1820 Procurator Gen. et die tandem 27 augusti 1822 Prior Generalis, confirmatusque dehinc ad nutum Summi Pont. Leonis XII, cui erat acceptissimus, die 22 maii 1828; sed post annum supremum magistratum dimisit atque in patriam sese recepit, ibique ex hac vita migravit die 13 oct. 1831, aetatis suae 74. Ex eius operositate extant tum eius Procurationis Acta, et tum eius Generalatus Regesta, quae asservantur in Archivo Ordinis.

 

 

 

Referenze:

Lanteri, Eremi Sacrae August. Parte I, pp. 340-343