MONALDI BERNARDUS

 

 

 

Monaldi Fr. Bernardus, Senensis, qui in saeculo Nicolaus Hieronymi vocitabatur, religiosum Augustinianum habitum in convento S. Salvatoris de Iliceto die 22 aug. 1506 recepit per manus Ven. P. Paracliti Bini a S. Angelo, et elapso anno probationis apud eumdem Binum suam emisit professionem, etsi provecta aetate. Vir fuit omnium scientiarum amator et invistigator. Multoties Ilicetani coenobii prior; quater, annis videlicet 1522, 1530, 1536 et 1546, Vicarius Generalis Ilicetanae Congregationis, et in rebus magni momenti agendis saepissime occupatus. Plenus meritis ac annis decessit an. 1550 er non an. 1547 uti scribit Landuccius; nam sunt in archivo Ordinis sub litt. Aa, 4, nonnullae epistolae ipsius Fr. Bernardi datae ad R.mum P. Hieronymum Seripandum mense Martio 1550 et testimonium ab ipso Landuccio ablatum mano scriptum ab eodem Bernardo in calce serici professorum Iliceti p. 16 hisce verbis: "Dio sia laudato sempre, so' vivo di 73 anni, e sin qui vissuto frate 44. Dio mi dia gratia che mi salvi", clare testatur ipsum vixisse usque ad an. 1550, nam si an. 1506, iuxta citatam seriem, habitum susceperat, et per 44 annos in Religione vixerat, consequitur quod ipse an. 1550 adhuc vitam ageret. Reliquit ms.:

1. Vita B. Ioannis Ghisii.

2. De viris illustribus Coenobii Ilicetani. Hic libellus maxima cum diligentia in Archivo Monasterii Ilicetani custodiebatur. Apparet equidem (scribit Landuccius in op. cit., p. 142) hoc in libello antiquo, nec non singularis scientia et doctrina nostrorum praedecessorum, et eo maxime usi sunt nostri scriptores et Oratores Augustiniani, et Ilicetani".

(Cfr. et Ugurgeri, Pompe Senesi, T. I, p. 633, ubi de hac opera scribit "esser ben degna di stampa"; Gigli, Diario Senese, T. II, p. 291 Moreni, Bibliografia Storico-Ragionata della Toscana, T. I, p. 503, nec non Ossinger, p. 595); quem latuerunt sequentia eiusdem Monaldi opera, in Biblioth. Angelica, cod. 914 (R. 4. 3) comprehensa, videlicet:

a) Fr. Bernardi Monaldi, Senensis, Ord. S. Aug., Vita B. Petri Pettinari, eiusd. Ord. per Fr. Seraphinum de Ferris de Iliceto in italicum sermonem conversa, f. 2-45;

b) Quaedam de conventu Ilicetano notatu digna, f. 46-65, quae inc.: "Al nome di Dio amen: Adì 28 di dicemb. M.D.XLVIJ. Io frate Bernardo Monaldi da Siena havendo cominciato a scrivere in q.o libro la vita del Beato Pietro Pettinaio già nel 1508, mi è parso a honore di Dio et consolatione delli lectori di sequitare et di notare alcune cose degne di memoria et alcuni notabili exempli delli antiqui nostri Padri successi in q.o nostro Convento di Sancto Salvatore", etc.

 

 

 

Referenze:

Ugurgeri, Pompe Senesi, T. I, p. 633, ubi de hac opera scribit "esser ben degna di stampa"; Gigli, Diario Senese, T. II, p. 291 Moreni, Bibliografia Storico-Ragionata della Toscana, T. I, p. 503, nec non Ossinger, p. 595