MONTE RUBIANO PETRUS

 

 

 

de Monte-Rubiano Fr. Petrus, S. Theol. Lector, S. Nicolai de Tolentino aequaevus, id est saec. XIII labentis et saec. XIV ineuntis, vir sanctimonia clarus, qui commotus a tot tantisque miraculis a S. Nicolao patratis post eius mortem, temporibus videlicet sanctissimorum pontificum Clementis Pp. V et Ioannis XXII, spatio 20 annorum, ut ea ab oblivione vindicaret, agere incepit ea posteritati consecrare velle. Ex eius labore ac studio extat itaque: Historia Beati Nicolai de Tolentino Ordinis Fratrum Erem. Sancti Augustini composita a Fratre Petro de Monte Rubiano, lectore, anno 1326 tempore domini Iohannis Papae XXII, quam Laurentius Surius, suppresso auctoris nomine, tomo V de Sanctorum vitis inseruit. Extat ms. Romae in cod. 1376 Bibl. Vat. Urbanitis, papirac. in fol., p. 227; item Romae in Archivo Ordinis sub signo Cc. 37 cum inscriptione: Res Ordinis variae et magni momenti, chart. in fol., saec. XV; et Florentiae in Bibl. Laurentiana, cod. Gadd. reliq. CXL, membr. saec. XV, ff. 275 in principio mutil. Inc.: "Nova lux oriri visa est". Expl.: "aliis causam tribuens circa horum investigationem et dictarnen ad honorem illius qui gloria et honore istum coronavit sactum, qui cum Patre et Spiritu Sancto vivit ...". Codex, quem Gandolphus noster dicit extare in Angelica, forsam est ille, qui nunc asservatur in archivo Ordinis. 

 

 

 

Referenze:

Herrera, T. II, p. 276; Elssius, p. 567; Torelli T. V, p. 504; Gandolphus, p. 36; Lanteri, Postr. Saec. Sex, T. II, p. 208; Il VI centenario di S. Nicola da Tolentino, ephemeris, Tolentino, Sept. 1695, p. 644, et Analecta August., Vol. I, p. 161-62