MORALIA THOMAS

 

 

 

Moralia Fr. Thomas juxta Ordinis Regesta Pedemontanus et juxta Lanteri (Postr. Saecula Sex Religionis Aug., T. III, p. 232) Ligur, fuit Eremitarum Ordinis ornamentum et Decus. Studiorum curriculum peregit Perusiae, Ravennae et Cesenae. An. 1794 promotus fuit ad sacerdotium, inde ad Lectoratus gradum, et an. 1801 Sacrae Theologiae Baccalaureus renuntiatus est. Die 29 Octobris anno 1803 vocatus fuit e civitate Recinetensi ad Urbem pro examine ad Collegium et Regentiam et die 16 Octobris 1809 Fulginiae ad magisterium promotus per manus P. Mag. Laurenti Tardy, Rectoris Provincialis provinciae Umbriae. An. 1818 vocatus iterum ad Urbem praeficitur S. Augustini Collegio, et die 20 decembris 1821 Bibliothecae Angelicae theologus nominatur. Fuit interim Cleri Romani examinator renuntiatus et die 25 Ianuarii 1825 Professor Sacrae Scripturae in Romana Universitate, facta renuntiatione a R.mo P. Mag. Ex Generale Ordinis nostri Aloysio Ionni illius cathedrae titulare. Denique die 5 Septembris 1829 electus est Bibliothecae Angelicae Praefectus in quo munere obiit XIV Kal. Septembris an. 1830, quinto suae infirmitatis die, febri gastrica nervica, aetatis ann. 61. Opera quae scripsit sunt:

1. Compendio della vita e miracoli del glorioso S. Nicola da Tolentino pubblicato dal P. M. Tomasso Maria Moralia Commissario degli Agostiniani nel Convento di detto santo. Fermo, 1818, dal Bolis, Stampatore Camerale, in 8°, pp. 104.

2. Introductio in Scripturam Sacram auctore Fr. Thoma Maria Moralia Conventus Eremitarum S. Augustini alumno. Romae, excudebat Crispinus Puccinelli, superiorum facultate, 1828-30. Vol. 3 in 4°.