MORONI CAROLUS

 

 

 

Moroni Fr. Carolus, S. Theol. Doctor, actualis nostrae Augustinianae Romanae Provinciae meritissimus Praefectus, et pro Dioecesi suburbicana Ostiensi E.mi Card. Granito Pignatelli di Belmonte Sacri Cardinalium Collegii Decani, nec non Ondinis nostri vigilantissimi Protectoris Delegatus Episcopalis, vir prudens, doctus, amabilis, et vere suorum religiosorum amator, ortum habuit in Terra Cavarum Praenestinae Dioecesis an. 1883 die 26 Augusti. Die autem 21 oct. 1898 Ordinem Augustinianum ingressus et post annum professus, die 16 sept. 1906 Presbyter efficitur. Tum Viterbii cum Romae sua studia laudabiliter perfecit. Post rigorosum periculum nominatus Lector, ac inde, omnibus aureis punctis, Studiorum Regens in S. Apollinaris publica theologorum Universitate S. Theol. Doctor tandem evasit. Per plures annos theologicam scientiam, potissimum Viterbii et in Collegio S. Monicae de Urbe, nostros docuit alumnos ac inde primam Genestani nostrae ecclesiae S. Mariae a Bono Consilio, postmodum Romae ecclesiae S. Mariae de Populo extitit parochus, quod munus maxima cum laude adhuc gerit. Edidit: Canzoniere del S. Cuor di Gesù, ossia 40 canti del S. Cuore di Gesù per il popolo. Roma, Sansaini, Arti fotomeccaniche, 1922, et alia quaedam.