GIOVANNI ANTONIO VERONESE

(1539)

 

 

 

 

Celebratis comitiis Veronae electoque P. Magistro Joanne Ant. Veronensi, qui solum septem mensibus praefuit, magnae sanctitatis, ac eruditionis viri comparuerunt, pauloque post una cum Reverendiss. Generali desierunt. Alvarus imprimis Montero, Lusitanus, Ulyssiponensis, Christianae pietatis officiis deditissimus, multis indiciis suae sanctitatis in obitu, et post illum praestitis. P. Nicolaus Tolentinus, Hispanus, Provinciae Castellae, et Conventus Salamanticensis alumnus, dum bellum in Peloponneso ageretur, et imaginem Christi circumferret, militumque animos accenderet, a Turcis captus, verberibus caesus, quatuor primis digitis sacris praecisis, ac deinde crudeli martyrio, amputatis brachiis, in frusta conscissus, laetus animam Deo reddidit. P. Ludovicus etiam de Montoya, vir moribus integerrimus Ulyssipone, postquam nomine sedis Apostolicae Provinciam illam ad justam disciplinam conduxisset, ac multis annis potentissimi Regis Sebastiani conscientiam direxisset, denique plura opera Theologica non minus docte, quam pie scripsisset, magno sui relicto desiderio expirabat, adhuc hodie miraculis celebris.

 

 

Referenze:  CRUSENIO, Monasticon