PACI ET TRANQUILLITATI

[16 Agosto 1245]

 

 

Superiores OFM ejectis ac egressis ex Ordine eorum licentiam ad alios ordines approbatos transeundi dare nequeunt, exceptis ordinibus B. Augustini, Templariorum, Hospitaliorum et aliorum religiosorum arma portantium.

 

 

 

Generali et Provincialibus ministris Ordinis Fratrum Minorum. Paci et tranquillitati vestrae paterna volentes in posterum sollicitudine providere, ut eiectis de vestro Ordine vel egressis, qui receptione in eodem Ordine suis exigentibus culpis reddiderunt se indignos, transeundi ad alios ordines approbatos, praeterquam ad B. Augustini, Templariorum, Hospitaliorum et aliorum religiosorum arma portantium, ad vitandam occasionem evagandi cum vestris testimonialibus litteris auctoritate nostra licentiam dare possitis, plenam vobis de fratrum nostrorum consilio concedimus auctoritate praefata facultatem, districtius inhibentes, ne tales aliter ad alium ordinem transire vel aliquis ipsos recipere seu retinere praesumant absque licentia Sedis Apostolicae speciali, faciente plenam de praesentibus monitione. Nulli ergo etc.

 

 

 

Bibliografia

E. BERGER, Les registres d'Innocent IV, Paris 1884 1484

A. A. POTTHAST, Regesta Pontificum Romanorum, Regesta Pontificum Romanorum 11807;

Archivio Secreto Vaticano, Registri Vaticani 21, f. 230v (124)

G. COLINAS, Compendio de las Bulas concedidas a la Orden de Nuestro Santo Padre Agustìn, Burgos 1757, 51