LXIII

AUGUSTINENSES QUI INTERFUERUNT CONCILIIS CONSTANTIAE ET BASILEAE

 

 

 

 

Constantiensi generali Concilio e nostris (an. 1414) interfuerunt Patres FF. Nicolaus Saracenus de Cassia Episcopus Recineti, Simon Anconitanus Episcopus, Petrus de Vena Prior Generalis, Joannes Voves Parisiensis procurator Regis Franciae, Joannes de Pratis Prior conventus S. Augustini de Marclovia, Guilelmus Forojuliensis procurator Domini Georgii de Ordelaffi Fori-Julii Domini, Antonius Rampelogus de Genua nomine Reipublicae Genuensis, Joannes de Ponlesco Procurator Ordinis (idest vicem gerens Procuratoris Ordinis) Laurentius de Neapoli Orator, Legatus Joannae Reginae Neapolitanae, et postea Episcopus Aversae, ac demum Tricarici, Joannes Zachariae pro Helvetia, Michael Mantegazza Episcopus Alexandriae in Pedemontio, Nicolaus Dinchespuel Rector Universitatis Vindobonensis, Petrus Assalbitus Sacrarii Pontificii Praefectus et Episcopus Olovensis, et alii complures Patres pietate, doctrina ac virtutibus insignes, uti refert noster Antoninus Hohn in Cronologia Provinciae Rheno-Svevicae pag. 85.

Concilio autem Basileensi an. 1431 interfuere Gerardus de Arimino Prior Generalis, Julianus de Salem Siculus, Joannes de Hasberg Provincialis Rheno-Svevus, Joannes de Mediolano, Franciscus de Florencia, Antonius de Monte Granario, Henricus Zolter Saxo, Joannes a S. Thoma Lusitanus tamquam legatus Eduardi Lusitaniae Regis, Georgius de Valle Speciosa Bavariae Provincialis, Robertus de Porta Gallus, et Joannes Boves Parisisiensis.