I° VICARIO GENERALE

BEATO GIORGIO DI CREMONA

(1449)

 

 

 

Nel Capitolo dunque di Monte Specchio l'anno 1449, fu in Vicario Generale creato della Congregatione nostra di Lombardia il Beato Padre Giorgio di Cremona, di cui havendo di sopra diffusamente descritta la vita, et eroiche attioni non è neccessario al presente replicarne la narrativa. Apena seguì l'attione, che nel posto di suo Vicario lo confermò il Padre Generale spendendone la patente nel medemo Capitolo dell'infrascritto tenore, che per esser la prima in questo genere non ho voluto tralasciare: Frater Iulianus de Sicilia Sacrae Theologiae Magister Prior Generalis Ordinis Eremit. S. Augustini Venerabili, ac Religioso viro

[Pag. 57] in Christo nobis dilecto Magistro Georgio de Cremona Vicario nostro observantiarum Provinciae S. Augustini Lombardiae salutem in Domino sempiternam. Magna nobis semper fuit cura ijs rebus, quibus nostram Religionem in melius informari conspicimus intendere, ac omni cura, et sollicitudine pro viribus agere, ut Dei honor, et nostrae Religionis incrementum, et devotio crescat; Propterea cum in regulari observantia hoc quam maxime fieri conspiciamus, optaremus omnes Conventus nobis subditos regulariter vivere. Et ideo cum in Conventu Montis Speculi Capitulum observantiarum totius Italiae fieri mandaverimus, atque ibidem ex mandato D. D. nostri Papae, amoto uno rectore observantiarum, altum modum vivendi meliorem sub Vicarijs observantiarum, de consensu Capituli ibidem celebrati instituerimus; inter caeteros observantiarum Vicarios Te tanquam virum omni virtute, et scientia, ac morum honestate ornatum, Vicarium nostrum observantiarum Provinciae S. Augustini Lombardiae instituimus, et ideo ut melius fratres tibi subditos regere, quanto maiori auctoritate valeas; Tenore praesentium damus tibi auctoritatem recipiendi fratres, et collocandi, eos expellendi si demerita eorum exegerint, et emittendi, nec non amovendi, et commutandi, prout, et quotiescunque prudentiae tuae videbitur opportunum, atque ea regendi, gubernandi, et administrandi in temporalibus, et spiritualibus omnia, et singula in Convenientibus tibi subditis, disponendi, faciendi, et ordinandi, ad quae nostra, et nostri officij auctoritas se extendit, et quae nosmet disponere, facere, et ordinare possemus si in eis Conventibus personaliter adessemus. Tibi etiam concedimus, et licentiam impartimur nova loca capiendi, et acceptandi cum nostra plena auctoritate eo tamen modo, quo in definitionibus huius Capituli Montis Speculi fuit expressum, ac Sedis Apostolicae prius licentia semper obtenta in ijs, in quibus de iure ipsa licentia fuerit opportuna. Item Tibi concedimus, ut de bonis temporalibus locorum tibi subiectorum in quacunque substantia fuerint mobili, seu immobili disponere, permutare,

[Pag. 58] vendere, et alienare possis, et dare licentiam tibi subditis illud idem faciendi quoties pro necessittibus locorum, et conventuum tibi visum fuerit opportunum. Volumus etiam ut fratres tibi subditos absolvere possis a sententia, et sententijs excommunicationis iuxta nobis ab Apostolica Sede indultum; cum eisque dispensare super macula irregularitatis, quantum nostra auctoritas ex indulto Apostolico se extendit, ac apostatas tibi subiectos recipere ad ordinem, ac eos absolvere a macula irregularitatis, ab apostasia, et excommunicatione, salva ordinis disciplina, quam tamen pro tua discretione mitigare valeas, quotiescunque fuerit opportunum, concedimus. Item concedimus quod fratres nostri ordinis, qui de laxiori vita ad tuam strictiorem observantiae vitam venire voluerint recipere possis, quorum bona si non excedant summam 24 ducatorum auri sint loci illius in quo, et pro quo recipientur, at si excederent, sit ipsa medietas excessus loci illius in quo, et pro quo recipitur, et alia medietas excessus sit Conventus, unde talis frater traxit originem; in quibus rebus sic recipiendi fratres, et sic bona dividendi nullus nobis inferior te impedire possit. Inhibemus insuper ne frater quisquam tibi subditus ad alia loca tibi subiecta, nulla occasione, transire possit, absque tua, vel Prioris localis testimoniali littera, et expressa licentia; quod si quis sine his literis ad aliquem locum cuicunque Provinciae sic transire praesumpserit, mandamus cuicunque Provinciali, Priori, et Rectori cuiuscunque gradus, aut conditionis existat, sub paena nostrae inobedientiae, et rebellionis, nisi per diem quovis modo retinere audeat. Similiter inhibemus ne fratres dignos penitentia ad observantiam admittas, nisi prius sint per suos Provinciales antea de commisso malo puniti. Damus quoque tibi licentiam ut fratres, quos tua discretio idoneos iudicaverit ad sacros ordines usque ad Sacerdotium valeas promovere, ac etiam licentiam audiendi confessiones fidelium secundum eorum virtutem, et idoneitatem, ac populi necessitatem concedere. In ieiunijs autem, et austeritatibus, et correctionibus, et disciplinis secundum formam nostrarum constitutionum valeas pro tua discretione

[Pag. 59] dispensare cum fratribus. Mandamus igitur omnibus, et singulis tibi subditis sub pena nostrae rebellionis, quatenus tibi tanque eorum vero Pastori, et legitimo obediant, et in cunctis humiliter obsequantur.

Datum in nostro Conventu Montis Speculi anno Domini 1449, die 13 Maij, Generalatus Officij sub sigillo

F. I. De. Sa. de Si. G. R. C. Folio 14.