BARTOLOMEO VENETO

(1384-1400)

 

 

 

 

Strigonii, quod est Hungariae oppidum, convenerant Patres Ordinis 14 Calendas Junii, ibidemque majori suffragantium numero, Generalatus defertur Tholomaeo Veneto, viro pio, zeloso ac docto, qui ut in Italiam rediit, statim corruptis moribus obicem injecit novamque faciem Ordini induxit in meditulio Italiae, aliquot Monasteria ac praecipue Ilicetanum minus corruptum seligens, ubi arcta disciplina custodiretur eaque uni praefecto, seu Vicario subjecit, a communi Provinciali eximendo; et hinc Congregatio Ilicetana. Hisce annis vita defunctus fuit Reverendissimus Petrus Apamiensis S. D. N. Sacrista, Episcopus Montis Falerii, et designatione Urbani VI assumptus fuit ex Ordine S. Augustini R. P. F. Amelius a Brenaco, creatus postea Archiepiscopus Tarentinus et Patriarcha Gradensis anno MCCCLXXXVII. Magno bono Regis Poloniae Casimiri illiusque Regni vixit apud illum P. Gregorius Ileassius, cui Deus dignatus fuit revelare fodinas ditiores illius climatis, in quarum indagine uti perspicax fuit, ita aliorum fidelis instructor abscondita detexit.

 

 

Referenze:  CRUSENIO, Monasticon