GUGLIELMO BECCHI

(1461 - 1470)

 

 

 

 

Alexandro ad Cardinalitiam dignitatem evecto, in officium Generalatus sufficitur Guillelmus Becchius, Florentinus, Theologus insignis, sub quo floruerunt P. Christophorus Pisaurensis, Philippus Venetus, Alipius de Carmaniola, Taurinensis, Jacobus Pratensis, et Bernardus Savonensis, qui scriptis magnum sibi nomen pepererunt. Angliam ornarunt Joannes Capgrave alter Lyra nuncupatus, omnium, quos produxit Anglia, Theologorum nobilissimus, Henrico Regi ejusque Fratri Hunfrido charissimus consiliarius, qui in studiis assiduus, plurima ac doctissima edidit volumina. Illi conterraneus et coaetaneus fuit Joannes Bury, qui ad instar latrantis catuli, primus detexit et oppugnavit haereses periculosissimas Reginaldi Pecok Episcopi, quem coram Cantuariensi Archiepiscopo Cardinali haereseos convicit.

 

 

 

Referenze:  CRUSENIO, Monasticon